18+
Нұр-Сұлтан
Қазір
19
Ертең
18
USD
384.87
0.00
EUR
432.52
0.00
RUB
6.11
0.00

Алматы облысында 11 оқушы сабақ үстінде уланып қалған

12 желтоқсан күні Алматы облысының Еңбекшіқазақ ауданы Қаракемер ауылындағы орта мектепте бір топ оқушы уланып қалды, деп хабарлайды ҚазАқпарат.

Облыстық Қоғамдық денсаулық сақтау департаментінен мәлім еткендей, Орымбетов атындағы орта мектепте 7-сыныпта оқитын 11 бала уланған.

«Медицина қызметкерлерінің мәліметі және зардап шеккендерді алдын ала сұрастыру бойынша, 2018 жылдың 12 желтоқсанында Қаракемер ауылының дәрігерлік амбулаториясына 7 «Б» сыныбының 11 оқушысы жүрек айну, құсу, бас ауруы, сондай-ақ құрысу түріндегі ішінің ауыруы, делириялық жағдай диагнозымен түскен. Сонымен қатар үшеуінде қол және беттерінде бөртпелер пайда болып, екеуінде тырысу белгілері анықталды», — деп мәлім етті Қоғамдық денсаулық сақтау департаментінен.

Атап өтілгендей, барлық оқушыларға алғашқы медикосанитарлық көмек көрсетілген. Кейін медициналық қызметкердің ілесуімен санитарлық көлікпен аудандық орталық ауруханаға жеткізілген. Балалар денсаулық жайдайларының нашарлауын химия сабағында зертханалық жұмыстарды жүргізумен байланыстырған.

Алматы облысы Қоғамдық денсаулық сақтау департаменті алдын ала тексеруді бастады.

«Жоспардан тыс тексерудің аяқталу қорытындысы және қолданылған шаралар бойынша қосымша ақпарат берілетін болады», — делінген таратылған хабарламада.