Алматы облыстық дзюдо федерациясының президенті ақша бопсалады деген күдікпен құрықталды
Алматы облыстық дзюдо федерациясының президенті ақша бопсалады деген күдікке ілінді. Бұл туралы облыстық ішкі істер департаментінің баспасөз қызметі хабарлайды.
Алдын ала келтірілген дерек бойынша, 36 жастағы «Дзюдо федерациясы» бірлестігінің облыстық басшысы жергілікті кәсіпкерден мүлік пен ақша бопсалаған деп күдікке алынған. Оны «Арлан» арнайы бөлімінің сарбаздары мен Ұйымдасқан қылмысқа қарсы күрес басқармасының қызметкерлері бірігіп ұстады.
– 2016 жылдың сәуір айында Жамбыл ауданының полиция бөлімшесіне жергілікті кәсіпкер азамат арызданған. Оның арызы бойынша қылмыстық іс қозғалып, күдікті қамауға алынды, – делінген хабарламада.
– Тәркіленіп алынған “Toyota Land Cruiser” көлігі айғақ зат ретінде тергеу құжаттарында тіркелген. Оның жәбірленушіге тиесілі көлік екені анықталған, – дейді баспасөз қызметіндегілер.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе