«Менің бақытым, өмірім туыстарым, балаларым. Өйткені, олар әрдайым менің жанымда, қиналғанда қасымда. Қандай да бір жағдай болып қалса, бірден көмек қолын созатын жақындарым бар. Қазір менің қатарымның бәрі немерелі. Солардың қызығын айтып отырады. Мен де армандаймын», – деген әнші болашақ келінінің қандай болғанын қалайтынын айтты.
«Жаңа үйге келген келінді қалай қабылдайсың, солай қалыптасады. Ол менің ене екенімді, ана екенімді біліп, сыйлай білуі керек. Егер ондай тәрбиесі болмаса, ол келінмен ұзақ тұра алмаймыз. Мен де, Әли де. Күні кеше үлкен ұлым «Мама, мен жақында үйге бір қызды алып келемін. Біз бірге дастарханда отырамыз. Сіздер танысасыздар. Егер ол сізге ұнаса, үйленемін» дейді. Ал мен «Айналайын-ау ол алдымен саған ұнауы керек қой» – дегенін айтып берді әнші.
