ҚР Ақпарат және коммуникация министрлігі «Ниет» байқауын жариялады. Бұл байқаудың қорытындысы бойынша әлеуметтік роликтің үздік сценариін жазған адам анықталатын болады.
Жеңімпаз сценариі бойынша белгілі режиссер Ақан Сатаев ролик түсіретін болады. Бұл туралы ҚР Ақпарат және коммуникациялар министрі Дәурен Абаев Фейсбуктегі жеке парақшасында жазды.
бас жүлдені жеңіп алған қатысушыға 1 миллион теңге беріледі.
«Қымбатты достар! Ақпарат және коммуникациялар министрлігі серіктестермен бірлесіп, әлеуметтік роликтің үздік сценарийі үшін «Ниет» байқауын жариялайды.
Бас жүлдеге 1 миллион теңге және роликті белгілі режиссер Ақан Сатаевтың продюсерлігімен түсіру мүмкіндігі беріледі.
Менімен бірге байқаудың қазылар алқасына «Қазақстан» РТРК» АҚ басқарма төрағасы Ерлан Қарин, «Хабар агенттігі» АҚ басқарма төрағасы Алмагүл Ахметжанова, Қазмедиа медиамектебінің директоры Махаббат Есен және Standard Life акционері Дәурен Күмпейісов қосылып отыр.
Байқауға кез келген адам қатыса алады. Толық ақпарат арнайы сайтта: http://bestidea.kz/», – деп жазды министр.