Алматы облыстық соты Александр Кузнецовтың өтелмеген жаза мерзімін айыппұлға ауыстыру туралы қаулының күшін жойды.
Бұл туралы Tengrinews.kz хабарлады.
“Бірінші инстанция үкімінің күші жойылды”, – деді баспасөз қызметінің өкілдері. Енді Александр Кузнецов колонияға қайтадан қайтарылады. Осыған дейін Қапшағай қала сотының үкіміне зардап шегушінің ағасы Дәулет Мұратқалиев шағымданған болатын. Дәулет Мұратқалиев Александр Кузнецовтың бостандыққа шығуы туралы Facebook әлеуметтік парақшасында жазған.
Кузнецовтың адвокаты үкімге шағым түсіретінін мәлімдеді. Жәбірленуші тарап сот шешіміне шағым келтірмейтінін жеткізді. Кейін Алматы қалалық сотында бұл іс бойынша аппеляция берілді. Сот сараптама ісі мен Мұратқаливетің денесін қайта эксгумациялау үкімін шығарды.
28 қаңтарда 2016 жылдың қаңтарында Александр Кузнецов ҚР Қылмыстық кодексінің 106-бабы бойынша (“Денсаулыққа қасақана ауыр зиян келтiру”) айыпты деп танылып, сегіз жылға бас бостандығынан айырылып, жазасын жалпы режимдегі колонияда өтеу жазасы тағайындалған болатын.
Ал 2018 жылдың 2 шілдесінде Кузнецов бостандыққа шықты – оның өтелмеген бес жыл уақыт мерзімі айыппұлға ауыстырылған еді. Айыппұл сомасы – 1 097 281 теңге.