Алакөлге қарай жаңа жол салынады
Алматы облысы аумағындағы Алакөлге жаңа жол құрылысы осы жылы басталады.
Бұл туралы бүгін ҚР Үкіметіндегі баспасөз мәслихатында еліміздің инвестициялар және даму министрі Жеңіс Қасымбек мәлім етті, деп хабарлайды ҚазАқпарат.
«Ағымдағы жылы Үшарал-Достық жолының құрылысын бастаймыз. Бұл Алакөлге қарай баратын жол. Жалпы, жыл сайын 500 мың адам, оның ішінде Алматы облысының тұрғындары да Алакөлге барады. Жаңа жол салып, Үшарал әуежайының жағдайын жақсарту арқылы аталған шипажайдың туристік әлеуетін жақсарта түсе аламыз деп жоспарлаудамыз. Дәл осындай жоспарларымыз Түркістан, Бурабай, Шығыс Қазақстан облысының шипажай аймақтары бағытында да бар», – деді министр.
Бұл ауыл дамыған туристік инфрақұрылымымен ерекше, Қабанбайдың шығысында 15 шақырым жерде Барлық-Арасан шипажайы бар. Алакөлде шипажай демалыс орындарының орналасуының себебі – суы минералдарға бай. Су құрамында Менделеев кестесі элементтерінің көбі кездеседі, құрамы жаңғынан Қара және Өлі теңіздерге ұқсайды.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе