Ақмола облыстық «Арқа ажары» газеті 2025- жылға дейін кезең-кезеңімен латын әліпбиіне көшеді, дейді 24.kz.
Бұл туралы басылымның басшылығы мәлімдеді.
Ұжым газеттің биылғы 100 жылдық мерейтойы қарсаңында осындай батыл бастама көтеріп отыр.
Газет тарихында латын қарпі болған. Себебі 1929 жылдан 1940 жылға дейін қазақ даласында латын әліпбиі қолданылды.
Таралымы – 80 мың дана. Ал оның негізі 1917 жылы бұрынғы Ақмола, қазіргі Астана қаласында Сәкен Сейфуллиннің тікелей бастамасымен қаланған болатын. Ол кезде «Тіршілік» деген атаумен шыға бастайды. Одан кейін газеттің аты бірнеше мәрте өзгерді. Ал еліміз тәуелсіздік алған жылдан бастап «Арқа ажары» деген атпен шығып келеді.
Жабал Ерғалиев, ЖШС директоры:
– Ең бірінші өзіміз үйрену мәселесін қолға алып жатырмыз. Кейбір тақырыптарды, кейбір қысқа мәтіндерді латын қарпіне көшіріп беруді бастап жатырмыз. Содан кейін қазір біздің журналистеріміз соғыс кезінде соғыста жауынгерлердің латын қарпінде жазылған хаттарын тауып, соны басып жатырмыз газетке. Міне латынның бізге жат еместігін, осылай пайдаланғандығын дәріптейміз.