Журналист Асхат Садырбай Ninety one тобын жақтап шықты. Даттайтындардың көптігі сонша олардың айтқаны қайталанып кетті. Ал Садырбай болса топқа қатысты пікірінде той әндерін тілге тиек етіпті. “Қазақ қоғамының той әндеріне үйреніп алғаны сонша, жаңа, заманауи музыканы қабылдай алмайтын жағдайға жеткен” дейді журналист. Бұл туралы ол өзінің әлеуметтік желідегі парақшасында жазыпты.
Көпшіліктің үрке, шоши қарауы да сол себепті. Олар жайлы айтылатын сындарға қарап отырсам (шамамен) 98.9 пайызы эмоциялар мен құр айқай. Мен де ұлтымды сүйемін, мен де ұлт болашағына алаңдаймын. Бірақ субьективті пікір мен негізсіз, дәйексіз сынға, негативке қарсымын. Қазір біз киіз үйде тұрмаймыз, атпен жүрмейміз, бәріміз заман талабына сай өмір сүрудеміз, демек кез-келген мәселені өркениетті елдің азаматы ретінде мәдениетті сөйлесіп шешуге болатынын ұмытпайық.
/-Ерболатты танимын, бірақ көрмегелі, сөйлеспегелі қай заман?! Соңғы рет қашан көргенім де есімде жоқ;
-Топтағы жігіттердің біреуін де танымаймын, аттарын да білмеймін;
-Ешкімнің адвокаты немесе пиаршысы емеспін;
-Постқа ешкім ешнәрсе төлеген жоқ;/
Шын жүректен, #91 тобының бүгін “Қалай Қарайсың” деп аталатын клипін тамшаладым. Жігіттер тағы да мені мойындатты. Музыка, аранжировка, сапа, xареография өте жақсы. Клиптегі фильмнің кадрлері сәтсіз, мәтін, өлең де керемет емес, бірақ, топтың xаризмасы ұрып тұр. Ән елең еткізеді, елітіп әкетеді. Ең бастысы менің есімде бірден жатталып қалды. (Егер олардың бірінші мақсаты өздерін немесе продюсерлерін емес, әндерін таныту болса) Демек олар өздерінің бірінші миссиясын сәтті орындады. Маған жетті.
Мен кіммін? Мен қарапайым, музыканы талғап тыңдайтын тыңдарманмын. Жігіттер шаштарын біркелкі етіп ретке келтіріп, сырғаларын шешіпті. Раxмет. Енді оларға мықты ақындар өлең жазып беретін болса, репертуарларына xалық және xалық композиторларының әндерінің жаңа үлгідегі интерпретацияларын қосатын болса бомба болады. Ақыл емес сондай ой ғой, топтың алдағы мақсатын, бағыт-бағдарын білмеймін. Құттықтаймын және сәттілік тілеймін.”, – деп түйіндеді сөзін Садырбай.