Ал ендеше! “Гюленмен байланысы бар” деген 30-дан астам адам сотталды
Түркіменстан соты түрік оппозиционері Фетхуллах Гюленмен қатысы бар деп былтыр тұтқындаған 30-дан астам адамды ұзақ мерзімге түрме жазасына кескен. Олардың ішінде танымал бизнесмендер Ресул Атагелдиев пен Дәулет Атаев 25 жылға бас бостандықтарынан айырылды.
Азаттықтың түркімен қызметінің дереккөзіне қарағанда, Ахал облыстық сотында үкім шығарылған адамдардың дені бұрын түркімен-түрік лицейлерінде мұғалім болып жұмыс істегендер. Осының алдында «Хизмет» ұйымымен байланысы бар делініп, мұғалімдер мен кәсіпкерлер жаппай тұтқындалып жатқаны хабарланған.
Осының алдында Ашхабадтағы «Мердем» және «АлпЭт» мейрамханаларының қожайыны Ресул Атагелдиев пен «А-Маркет» дүкендер желісінің иесі Дәулет Атаев ұзақ мерзімге бас бостандықтарынан айырылғаны хабарланған. Бірақ 8-9 ақпанда болған сот отырысында оларды қайтадан соттағаны не апелляциялық шағымды қарағаны белгісіз.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе