Әкімдіктен кеткен Алик Айдарбаев вице-министр болды
Алик Айдарбаев ҚР Инвестициялар және даму бірінші вице-министрі болып тағайындалды.
Бұл туралы аталмыш ведомство басшысы Жеңіс Қасымбек Facebook-тегі жеке парақшасында жазды.
«Бүгін ұжымға ҚР Инвестициялар және даму бірінші вице-министрі болып тағайындалған Алик Айдарбаевты таныстырдым. Алик Айдарбаев – мемлекеттің маңызды салаларында қызмет атқарып келе жатқан аса тәжірибелі тұлға. Елбасының сеніміне ие болған мықты ұйымдастырушы, іскер басшы ретінде өзін Маңғыстау облысының әкімі болып тұрғанда және оған дейінгі қызметтерінде жан-жақты көрсеткен еді.
Ендігі ретте Алик Серікұлын тағы да үлкен жұмыстар, жаңа міндеттер күтіп тұр. Аса тәжірибелі маманның келуімен министрлік жұмысы одан әрі жанданып, Мемлекет басшысы мен Үкімет алдындағы міндеттерді ойдағыдай атқаруға атсалысады деген сенімдемін», – деп жазады министр Жеңіс Қасымбек.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе