Ақтөбеліктер тағы бір тәртіпсіз полицейдің қылығын әшкереледі (фото)
Ақтөбеде көлік қоятын орынның мүмкіндігі шектеулі жандарға арналған деген белгісі бар жерге полиция қызметкерлері машинасын қойып кеткен.
Мұны дәлелдейтін сурет әлеуметтік желідегі «Aktobe_online» парақшасында жүр. Суреттегі «D 015 KP» нөмірлі көлігі – полиция қызметкеріне тиесілі.
Қызметтік көлік мүгедектерге арналған орынға қойылған. Ақтөбе қаласындағы «Табыс» коммуналдық базарындағы бұл көрініс әлеуметтік желіге салынып, қала әкімдігіне жіберілген. Ал желі қолданушылары полицейлердің бұл әрекетін сынап, оларға айыппұл салуды сұрады.
Көпшілік полиция жағасынан алса 11 млн теңге айыппұл салынатын заң жобасы талқысын еске алған.
“Тәртіпсіздік жасаған полицейдің бұдан кейін қалай жағасын алмайсың” деп кекетеді желі қолданушылары.
Айта кетейік, жаңа жылдан бастап елімізде 1 АЕК құны 2 269 теңге болды. Мүгедектерге арналған көлік тұрағына машинасын заңсыз қойған жүргізушілерге 50 АЕК көлемінде, яғни, 113 450 теңге айыппұл салынуы тиіс.
Серіктестер жаңалықтары
© «365 Info», 2014–2025 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз