Суицид жасаймын деп енді сотталып тынуы мүмкін! Ақтөбеде газ құятын бекетке соғылып өлмек болған кәсіпкерге қатысты қылмыстық іс қозғалды. Оған өзгенің мүлкін бүлдірмек болды деген айып тағылып отыр, деп хабарлайды КТК арнасы.
39 жастағы жігіт Toyota Hilux көлігімен келіп, газ толы мына бөшкеге соғып бір-ақ тоқтапты. Ондағы ойы көгілдір отын атылғанда, өзін жарып жібермекші болған. Бірақ цестернаның майысқаны болмаса, кәсіпкер аман қалады. Артынша көлігіндегі пышағын алып, ішін тілгілеп тастаған. Өмірмен осылай қоштаспақ болған ақтөбелік қазір ауруханада жатыр. Дәрігерлер оның жанынан ешкімді жолатпайды. Ал тергеушілер болса өзіне қол салуға қандай себеп болғанын анықтауда.