Ақтөбеде Өзбекстан азаматтары мінген автобус жол апатына ұшырады
Ақтөбе облысының Хромтау ауданы, Жазық ауылына жақын жердегі Самара – Шымкент тас жолында өзбектер мінген автобус аударылды. Көліктің салонында 25 жолаушы болған, олардың жетеуі жол апатынан зардап шекті, деп хабарлайды Today.kz аймақтық ІІД баспасөз қызметіне сілтеме жасап.
“Mercedes маркілі автобустың 35 жастағы жүргізушісі Ақтөбеден Хромтауға келе жатып, рөлге ие бола алмай, аударылып қалды. Жол апатынан автобустың жеті жолаушысы – Өзбекстан Республикасының азаматтары зардап шегіп, түрлі жарақат алып Хромтау ауданының орталық ауруханасына жеткізілді”, – деді полиция.
Естеріңізге салайық, 2018 жылдың қаңтар айында дәл осы тас жолда ішінде 57 жолаушысы болған автобус өртеніп кеткен еді. 52 өзбекстандық азамат қайтыс болды. Тірі қалғандардың ішінде үш қазақстандық жүргізуші мен екі өзбекстандық жолаушы бар.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе