Ақтөбеде облыстық ІІД бастығының орынбасары ұсталды
Ақтөбе облыстық ІІД бастығының орынбасары Алтай Аңшыбаев қамауға алынды. Ол құрылыс-жөндеу жұмыстары кезінде қаржыны жымқырды деген күдікке ілікті, деп хабарлайды ҚазАқпарат облыстық ІІД баспасөз қызметіне сілтеме жасап.
Ақтөбеде облыстық ІІД бастығының орынбасары Алтай Аңшыбаев кеше ұсталды.
«Мемлекеттік сатып алу туралы» Заң талаптарын бұзған полиция қызметкерінің ісі бойынша ІІД жеке қауіпсіздік басқармасы тергеуді бастап, Сыбайлас жемқорлыққа қарсы күрес бойынша ұлттық бюроның облыстық департаментіне жолдады.
Сот алды тергеу кезінде лауазымды қызметкердің жөндеу-құрылыс жұмыстарына бөлінген қаржыны жымқырғаны анықталды.
«Кейбір ақпарат құралдары Ақтөбе облысы бойынша бірнеше ішкі істер бөлімінің бастығы ұсталды деп тарап жатыр. Бұл жалған ақпарат. Ал Алтай Аңшыбаев қазір қамауға алынды. Тергеу жүріп жатыр», – деп хабарлады облыстық ІІД баспасөз қызметі.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз