Ақтөбеде науқастың туысы дәрігерді сабап тастады
Ақтөбе облысында науқастың туысы дәрігерге жұдырық ала жүгірді.
Дәрігер Марал Тусинаның айтуынша, ер адам оның басынан бірнеше рет ұрып жіберген, деп хабарлайды aktobetimes.
«Бұл менің кезекшілігімде болған жағдай. Науқас ауыр жағдайда түсті. Туыстарына әр түрлі жағдай болуы мүмкін екенін ескерттім. Олар барлық туыстарына хабарласқан көрінеді. Оның жағдайына қатысты бәріне есеп беруіме тура келді. Бас дәрігер мен бөлім меңгерушісі де жағдайы туралы айтты. Науқасты тексеріп жатқанда туысы есікті қайта-қайта қағып кедергі болды», – дейді дәрігер.
«Біраз уақыттан соң дәлізге шықтым. Кімсіз деген мұрағыма дөрекі түрде жауап берді. Науқастың жағдайы туралы барлық туысына түсініргенімді айттым да, кері бұрылып кеттім. Сол кезде ол мені басымнан бір қойды. Медбикелер жүгіріп келді. Айқай-шу болып кетті.Оның 37 жастағы ер адам екенін анықталды. Түнді полицияға арыз жаздым. Әлі де өз өзіме келе алмай отымын», – дейді жәбірленуші.
Облыстық прокуратура бұған қатысты іс қозғады. Қазір тергеу жүруде. 37 жастағы ер адамның қала тұрғыны екені, полицейлер мен прокуратураға еш қатысы жоқ екені анықталды.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе