Ақтөбеде енесін пышақтап, әйелін жұмыс орнына іздеп барған ер адам оққа ұшты (видео)
Ақтөбеде кеше кешкі сағат 19:00-де қаладағы стоматологиялардың бірінде төтенше жағдай тіркелді.
24 жастағы жігіт стоматология әкімшісін кепілге алып, полиция қызметкерлерінен келіншегін шақыруды талап еткен, деп хабарлайды ҚазАқпарат.
Ақтөбе қаласындағы Әлия Молдағұлова даңғылында орналасқан стоматологиялардың бірінде әкімші кепілге алынды. 24 жастағы ер адам сол жерде жұмыс істейтін күні кеше ғана ажырасқан келіншегін іздеп барады. Оны таппаған соң 1991 жылғы келіншекті ұстап алып: «Әйелімді әкеліңдер, болмаса кепілдегі адамды өлтіремін» деп қорқытқан.
«Кеше сағат 15:00-де қылмыскер бұрынғы әйелін өлтіру үшін оның туыстарының үйіне барып, енесін пышақтаған. Қазір осы оқиғаға байланысты Қылмыстық кодекстің «Денсаулыққа қасақана ауыр зиян келтіру», «Қару қолданып адамды кепілге алу» баптары бойынша іс қозғалды. Облыстық Ішкі істер департаменті мен Ішкі істер басқармасы Ақтөбе қаласының прокурорларымен бірлесе 5 сағат бойы келіссөз жүргізді. Кепілге алынған адамның өміріне шын мәнінде қауіп төнді. Қылмыскер келісімге келуден үзілді-кесілді бас тартып, оқиға орнына жеткен туған-туыстарымен тілдеспеді»,- деді облыстық ІІД баспасөз қызметі. Қылмыскер әйелін әкелуді талап етіп, оны өлтіруді бұрыннан жоспарлап жүргенін жар салған.
Ақыры тұтқындағы адамды құтқару үшін құқық қорғаушылары түн ортасында арнайы операция жүргізіп, әр минут сайын адам өміріне қауіп төндірген қылмыскердің көзін жойды.
Арнайы операция кезінде кепілге алынған стоматология әкімшісі дәрігерлер мен психологтардың көмегіне жүгінді.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе