Ақтөбе облысы Ойыл ауданының әкімдігі әлеуметтік желіге бір-екі қапшық картоппен түскен фотоларын жүктейміз деп сынның астында қалды деп хабарлайды NUR.KZ.
Әкімдіктің Instagram және Facebook-тегі парақшаларына аудандық бөлімшелер жасап жатқан қайырымдылық шаралар туралы жазылған.
Мемлекеттік қызметкерлер көмекке мұқтаж отбасыларға бір қапшық картоп апарып беріп, суретке түсіпті.
“Бүгін «Ойыл аудандық экономика және бюджетті жоспарлау бөлімі» мемлекеттік мекемесінің қызметшілері аз қамтылған, көп балалы отбасыларға қайырымдылық көмек көрсетті”, – делінген ақпаратта
Бұл жазбаға пікір білдірген тұрғындар әкімдік қызметкерлеріне шүйлігіп, «Мақтанып жария түрде жасаған қайырымдылықтың қай жері садақа» деп өз ойларын ашық жазған.