Ақтауда 21 жастағы келіншек іс-түзсіз жоғалып кетті. Соңғы рет қаланың 31-ші шағын ауданында орналасқан Сары базардан таксиге отырып кеткен Қырмызы Энепияеваны одан қайтып ешкім көрмеген.
Бұл туралы жергілікті Lada.kz басылымы жазды.
“Таксиде ол күйеуіне қоңырау шалып, үйге келе жатқанын айтыпты. Бірақ ол сол күйі үйіне келмеген. Біз бірден полицияға арыз жаздық. Актаулықтардан Қырмызыны табуға көмектесуін сұраймыз”, – дейді Қырмызының әпкесі Лаура.
Келіншектің үстінде ақ футболка мен сарафан болған. Қолында көлемі кішірек сөмке мен пакеті болыпты.