Ақтауда сәнгерлер қауымдастығы ашылды

Көпшілігі – ұлттық үлгідегі киім-кешек пішіп, қазақ елінің есімін шетелге әйгілеп жүрген дизайнерлер. Шеберлердің басын қосқан құрылым сән әлеміне енді аяқ басқан қыз-келіншектерге кәсіби тұрғыдан кеңес беріп, қолдау көрсетеді. Сәйкесінше, өңірдегі кәсіпкерліктің жандануына жол ашады. Қауымдастық мүшелері өзге аймақтардағы сәнгерлермен де әріптестік байланыс орнатуды көздейді. Шетелдік әріптестерімен тәжірибе алмасу да күн тәртібіне қойылған.

Сәуле Салихова, өңірлік кәсіпкерлер палатасы іскер әйелдер қоғамының төрайымы:

– Жыл сайын, үйлерінде киім тігетін қыз-келіншектер көбейіп жатыр. Бірақ солардың ішінде жеке кәсіпкер болған қыздар аз. Соларды заңдастырып, жеке кәсіпкерлікке қосып, ателье ашуға, кәсіби тәжірибе алуға осы қауымдастық үлкен жұмыс жасайды деп ойлаймын.