АҚШ-тың бастауыш мектебінде атыс болып, екі адам жарақаттанды
АҚШ-тың Канзас штатындағы бастауыш мектепте атыс болып, салдарынан екі адам жарақат алды. Бұл туралы жергілікті полицияға сілтеме жасаған Синьхуа агенттігі хабарлады.
Оқиға 3 шілде күні Канзас-Сити қаласының маңында орналасқан Оверленд-Парк қаласындағы «Санрайз» бастауыш мектебінде болған.
Зардап шеккендердің екеуі де мектеп маңындағы балалар алаңында жұмыс істеп жатқан жалдамалы жұмысшылар.
Оверленд-Парк қаласының полициясы олар ауыр халде жатқандығын растады.
Күдікті де жалдамалы жұмысшы екені айтылуда. Ол зардап шегушілермен арада болған даудан кейін, атыс ұйымдастырған.
Оқиғадан балалар зардап шеккен жоқ. Күдікті атыстан кейін спорттық-утилитарлық автомобильді айдап кетіп, оқиға орнынан ізін суытқан.
Полиция күдіктіні іздеп жатыр.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз