АҚШ-та қатты аяздан көз жұмғандардың саны 19-ға жетті

АҚШ-та ақтүтек боран мен сарышұнақ аяздан қаза тапқандардың саны 19-ға жетті.

Бұл туралы жергілікті бұқаралық ақпарат құралдарына сілтеме жасап, Би-би-си хабарлады. Ал бұған дейін көз жұмғандар саны 16 адам деп мәлімденген еді.

Шетелдік БАҚ-та жарияланған дерек бойынша көпшілігі жолдағы көлік апаты мен аязда үсіп, қайтыс болған. Қатты жел мен қардың шамадан тыс жаууы салдарынан солтүстік-шығыста орналасқан штаттардың 100 мыңнан аса тұрғыны жарықсыз қалған. Осы жағдайға байланысты Нью-Йорк губернаторы Эндрю Куомо төтенше жағдай енгізіп, Джон Кеннеди атындағы халықаралық әуежай жұмысын уақытша тоқтатқан болатын.