АҚШ Ресей Федерациясын таратып тынады деп болжаған саясаткер өмірден озды
90 жасқа қараған шағында танымал саясаткер Збигнев Бжезинский өмірден озды.
Бұл туралы марқұм саясаткердің қызы Мика Бжезинский Instagram-дағы жеке парақшасында жазды.
«Менің әкем түнде о дүниеге тып-тыныш аттанып кетті», — деп жазды ол. The New York Times басылымының жазуынша, Бжезинский АҚШ-тың Виргиния штатындағы ауруханада көз жұмған.
Ол 1977-1981 жылдар аралығында АҚШ президенті Джимми Картердің ұлттық қауіпсіздік бойынша кеңесшісі қызметін атқарды.
Сондай-ақ Бжезинский 30-дан аса ғылыми кітаптың авторы, соның ішінде әлемге үстемдігін жүргізген АҚШ туралы “Ұлы шахмат тақтасының” авторы.
Ол өзінің монографиясында Еуразия тұтқасын кім ұстаса, сол әлемді билейді деген атышулы тұжырымды келтіреді.
Сөйтіп Американың Еуразияға үстемдігін жүргізуінің кезең-кезеңдік жоспарларын белгілеп кеткен антисоветтік көзқарастағы саясаткер. Оның пікірінше, АҚШ КСРО-ны ыдыратып, одан соң Ресей Федерациясын таратып, Орталық Азияны жаулауы тиіс.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе