Ақмола облысында оқушы баланы ұрған әкім жазадан құтылып кетті
Ақмола облысында 14 жасар балаға жұдырық жұмсап, қызметінен айырылған Қорғалжын ауылдық аймағының әкімі Жанат Омаров кінәлі деп танылып, айыппұл арқалады.
Бұл туралы КТК арнасы хабарлайды.
«Денсаулықтың қысқа мерзімге бұзылуына әкеп соққан қасақана жеңіл зиян келтіру» деген баппен әкімге тағылған айып аудандық сотта дәлелденген. Жанат Омаров енді 15 айлық есептік көрсеткіш мөлшерінде яғни, 36 мың теңге айыппұл төлеуге тиіс. Бұл шешімге әкімнен таяқ жеген Диас Мұқанның ата-анасы наразы.
Естеріңізде болса, оқиға ақпан айында аудан орталығындағы мектеп интернатта орын алған. Оқушы баласына араша түсем деп, жуан жұдырығын ала жүгірген сол кездегі ауыл әкімі Жанат Омаров қаршадай баланы соққыға жыққан-ды. Диас ес түзсіз ауруханадан бір-ақ шыққан. Осы оқиғадан соң ол әкімдік қызметінен босатылды.
Серіктестер жаңалықтары
© «365 Info», 2014–2024 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз