Ақтөбеде өткен республикалық ақындар айтысына келген Ринат Зайытов қатты қуанғанын жасырмады. Көптен ақындар айтысына шақырылмай, елеусіз қалып жүрген ақын ақтөбеліктерге ерекше жыр арнап кетті.
Бұл туралы Nur.kz хабарлады.
Ақын облыстың әкіміне арнап жыр-шумақтарын төкті
“…Еңбегін ерлерімнің елейінші
Ағайын әзілім деп ойламаңдар,
Мен де бір әкім мақтап көрейінші.
Ақтөбе өзгерместей жарқыраған,
Ұнады бұзылмаған салты маған.
https://kaz.365info.kz/bajkhashy-rinat-rinat-zajytov-tagy-da-khatty-ajtkhan-eken-video-288742
Бұл жерді бір-ақ жылда жұмақ қылған,
Негізі Сапарбаев алтын адам.
Осындай ер бұйырған маңдайына,
Болсыншы, мына отырған халқым аман.
Ісі де жұрт көңілінен шығатындай,
Айтқаны көңіліне қонатындай
Ақтөбе бір-ақ жылда болыпсың ғой,
Кіші жүз астанасы болатындай”, – деп шырқаған шығыстық ақын Зайытов Сапарбаевқа ерекше құрмет көрсетті.
https://kaz.365info.kz/sen-siya-ty-nshilerden-or-am-rinat-endi-dimash-a-tiisejin-dedi-me-248172
Ақын жырында өзінің айтыстарда шеттеп қалатынын да жасырмады.
“…Бұл күнде бұл қазақта облыс көп,
Ай сайын үш-төрт айтыс болғызатын.
Астана, Алматыға жолатпайды,
Қылмыскер болмасам да заң бұзатын.
Атырау, Қызылорда мен Ақтауға да,
“Жолатпа” дейді мендей жауды жақын.
Жалғыз-ақ Сапарбаев көкем болып тұр,
Өзімді аттай қалап алғызатын.
Барлық облыстың ішіндегі Ринаттан қорықпайтын жалғыз әкім” ,- деді ақын.
https://kaz.365info.kz/nedegen-khatal-zajytovtyn-ajeli-akhynnyn-otbasynda-khandaj-ekenin-ajtyp-saldy-foto-263479