Қазақстан тәуелсіздігінің 25-жылдығына орай керемет телефон – NurPhone шықты. Бұл туралы өзінің Instagram-парақшасында Біржан Қабылбаев есімді азамат жария етіпті.
NurPhone кем дегенде төрт «мерзім» жұмыс істейді. Құдай қаласа, одан да ұзақ уақыт жұмыс істей береді.
Жаңа NurPhone-ның ішінде NurMusic деген арнайы қосымша да бар: сол арқылы қолданушылары Қайрат Нұртас, Төреғали Төреәлі және Асхат Тарғынның өлеңдерін тыңдай алады.
NurPhone ұстаған адамдар Ресей мен Белоруське тегін қоңырау шала алады, ал K-RIM деген арнайы тариф бойынша қолданушылар Қытайдың жекелеген облыстарымен тегін сөйлесе алады.
NurPhone-ға «Хабар» деген камера орнатылған, ол кез-келген фотосуретті шынайы өмірден әлдеқайда бақытты етіп түсіре алатын қабілетке ие.
«NurPhone телефондары нарықта «нөл бірінші» деп таныстырылуда.
Бірақ бұл жаңалық – қалжың болып шықты. Біржан Қабылбаев Астана атауын өзгертуге қатысты осындай қалжың ойлап тапқан екен.