Замбия тұрғыны неке қию рәсімін бұзып, екінші рет үйленгісі келген күйеуіне кедергі болды.
Авраам Муйунда әйелі Каролина Мубитке жұмыс бабымен бірақ уақытқа қаладан кетемін деп айтқан. Олардың арасында үш бала бар. Сол күні Мубита көршілерінен күйеуі жергілікті католик шіркеуінде басқа әйелге жасырын түрде үйленуге тырысып жатқанын білді.
Кенеттен әйелі залға жүгіріп келіп, айқайлай бастайды:
«Бұл үйлену салтын тоқтату керек… бұл адам — менің күйеуім, мен оның әйелімін, және бұл біздің балаларымыз!»
Қонақтар сыбырлап, орындарынан кете бастады.
Қалыңдық пен Муйунда Мубитаның айқайына ешнәрсе деп жауап бере алмады. Бірнеше қонақ әйелді тыныштандыруға тырысты, бірақ ол наразылық білдіріп, діни қызметкерге:
«Бұл адам — менің күйеуім. Біз онымен ажырасқан жоқпыз. Біз ешқашан ұрыспадық … мен мұнда не болып жатқанын түсінбей тұрмын» деді.
Нәтижесінде Мубита полицияға жүгінді. Алдын ала мәліметтер бойынша, Муйунданың қалыңдығы сүйіктісінің әйелі бар екенін білсе де, үйлену тойын өзі ұйымдастырған. Билік тергеу жүргізуде. Айыпталушы көп әйел алғаны үшін жеті жылға дейін бас бостандығынан айырылуы мүмкін.