Агент 007 Кремльде жүр. Ресейде “шетел агенттерін” қудалауда
Соңғы төрт жылда 148 коммерциялық емес ұйым “шетелдік” агенттер деп аталатын реестрге енгізілді. “Қоғамдық шешім” қорының баяндамасында осындай мәлімет жарияланды. Баяндама “шетел агенттері” туралы заңның төрт жылдығына арналды.
Қор баяндамасында жазылғандай, соңғы уақытта коммерциялық емес ұйымдарды осындай тізімге қосудан былай тұрсын, тізімге ілінген ұйымдарға қысым көрсету күшейген. Баяндама авторларының хабарлауынша, осындай тізімге экологиялық, қайырымдылық, адам құқықын қорғау, ағартушылық және медициналық ұйымдар іліккен.
Халықаралық Amnesty International адам құқығын қорғау ұйымының өткен жұма күні мәлімдеуінше, “шетел агенттері туралы” заң күшіне енген төрт жылдың ішінде Ресейдегі тәуелсіз коммерциялық емес ұйымдар жойылып кетудің сәл алдында тұр.
“Шетел агенттері туралы” заң Ресейде 2012 жылы 21 қарашада күшіне енді. Ол бойынша, шетелден қаржыландырылатын және саяси қызметпен айналысатын коммерциялық емес ұйымдар арнайы реестрге тіркелуі тиіс.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе