Биыл жазда Әбу-Даби мен Астана бағыты бойынша рейстер саны артады, деп хабарлайды Baq.kz ақпарат агенттігі ҚР ИДМ Азаматтық авиация комитеті баспасөз қызметіне сілтеме жасап.
«2018 жылғы 1 шілдеден 31 тамызға дейінгі аралықта Біріккен Араб Әмірліктерінің Etihad Airways әуе компаниясы «Әбу-Даби – Астана – Әбу-Даби» бағыты бойынша аптасына 2-ден 3 ретке дейін рейстер санын арттырады. Осы маусымда жолаушылар тарапынан сұраныстың жоғарылауына байланысты осылай жасалып отыр», – делінген хабарламада.