Әлем жұртын аң-таң еткен оқиғалар Қазақстанды да айналып өтпей жатыр. Қызықты деректі кез келген облыстан табатын болдық.
Күні кеше Маңғыстау облысында Мөлдір есімді нәресте дүниеге келді. Ақтаудағы облыстық перинатальды орталықта дүниеге келген қызылшақа алып денесімен көзге түсті.
Қыздың салмағы – 6 100 келі, бойы – 61 см.
Алайда бұл туралы деректі нәрестенің ата-анасы құпия сақтап отырған көрінеді, деп жазады Айқын газеті.
Қыз анасының айтуынша, нәрестенің денсаулығы жақсы. Есімін Мөлдір деп атауды ұйғарған ата-ана қыздарының келешегіне үлкен үмітпен қарайды. Отбасындағы алтыншы баланың алып болуы жұртты қатты қызықтыруда. Енді шаңырақты шуаққа бөлеген балалардың саны – үш қыз, үш ұл.