Ақтөбеде мектеп түлектері ҰБТ тапсырып жатыр

Ақтөбеде мектеп түлектері ҰБТ тапсыруға кірісті. Кешеден бүгінге шегерілген мектеп түлектерінің емтихан сынағы қаладағы үш орталықта өтіп жатыр. Ақтөбеде барлығы 871 оқушы ҰБТ тапсырады, — деп хабарлайды Bnews.kz

Ақтөбе қаласында ҰБТ өткізетін үш орталық бар. Олар: Сақтаған Бәйішев атындағы Ақтөбе университеті жанындағы Тест орталығы, Құдайберген Жұбанов атындағы Ақтөбе мемлекеттік өңірлік университеті мен №8 орта мектеп ғимараты. Бүгін қала мектептерінің 871 түгелі тест тапсыруы тиіс.

Ақтөбеде ҰБТ 6-маусым күні болады деп жоспарланған еді. Лаңкестікке қарсы операциялар жүргізіліп, сынақ бүгінге шегерілген.
Сондай-ақ Үкімет басшысының тапсырмасымен Білім және ғылым министрі Ерлан Сағадиев Ақтөьеге келіп, бүгінгі ҰБТ барысын өз бақылауына алды.

Статистикалық мәліметке сүйенсек, биыл өңірде 6510 оқушы мектеп бітірді. Оның 3771-і ұлттық бірыңғай тестілеуге қатысып жатыр. Алдын-ала белгілі болғаны, ең жоғары көрсеткіш Мұғалжар ауданындағы түлектердің біріне тиесілі. Ол 124 балл жинаған.