Ақтөбеде мұнай ұрлау ісіне күдікті 15 адамның екеуі қамауға алынды

Ақтөбеде мұнай ұрлау ісі бойынша күдікті 15 адамның екеуі сот шешімімен екі айға қамауға алынды.

Ақтөбе қылмыстық соты Ақтөбе мұнай өңдеуші зауытында жаппай мұнай ұрлау ісі бойынша екі күдіктіні қамауға алуға санкция шығарды деп хабарлайды Диапазон.

“Нұрлан Қазкенов пен Бауыржан Батыров ұйымдасқан қылмыстық топқа қатысып, ұрланған мұнайды тасымалдағаны үшін айыпталып отыр. Олар мұнайды мұнай тасығышпен тасымалдаған. Біреуі – жұмыссыз, екіншісі – такси шопыры. Күдіктілер оларды қамауға алмауды сұрады, өйткені олардың отбасы, бала-шағасы, тұрақты мекен-жайы бар. Нұрлан Қазкеновтың бес баласы, Батыровтың үш баласы бар екен. Батыровтың құлағы дұрыс естімейтін көрінеді”.