Ақтөбеде күнде қайыр сұрап, ақша жинап келген жеткіншектің өтірігі әшкере болды. Жұқа картон қағаздың үстінде отырып, қайыр сұрайтын жасөспірімнің оң қолы жоқтай көрінген.
Бұл туралы 31 арна хабарлайды.
Сөйтсе, ол осы уақытқа дейін ақша үшін елді алдап келіпті. Атын айтпаған жеткіншек қасындағыларға сыр бермесе керек. Өйткені сол маңдағы сатушылар оның бір қолының шынымен жоқтығын айтады. Ал, баланың өтірік мүгедек болып отырғанын сезіп қалған тұрғын, оны базар маңындағы үйлердің артқы жағына барып, киімін ауыстырып жатқан жерінде ұстап, екі қолының да сау екенін көрген. Аты Жасұлан екен.
Жалпы, Ақтөбе облысында жыл басынан бері көшелерден қайыр сұрап отыратындарға қатысты 428 іс тіркелген.