Қазақстанда шетелден көлік әкелуге жаңа талаптар енгізіледі
Қазақстанда жеке пайдалануға арналған автокөліктерді әкелу ережелері қатаңдатылды. Енді елге әкелінетін көліктердің шығарылғанына бес жылдан аспауы және экологиялық класы «Еуро-5»-тен төмен болмауы керек. Бұл туралы 365info.kz сайты КТК арнасына сілтеме жасап хабарлайды.
Жаңа талаптарды Көлік министрлігі бекітті. Олар желтоқсан айының соңында күшіне енеді. Айта кетейік, бұл талаптар жеңіл көліктерге ғана емес, мотоциклдерге, мопедтерге, жүк көліктері мен тіркемелерге де қатысты. Ал компаниялар мен жеке кәсіпкерлер үшін бөлек ережелер қарастырылған.
«Менің ойымша, бұл ең алдымен Қазақстанда шығарылатын жаңа автокөліктердің сатылымын ынталандыруға бағытталған. Қазір елімізде сатылатын жаңа көліктердің шамамен 70%-ы Қазақстанда өндіріледі. Былтыр іске қосылған жаңа автомобиль зауыттарының құрылысы да жалғасып жатыр. Олардың ішіндегі ең ірілерінің бірі – Алматыда орналасқан», – дейді автосарапшы Алексей Алексеев.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе