Қазақстанда жылына 142 мың тонна сүт өндіретін 28 ферма салынады
Қазақстанда жалпы қуаты жылына 142 мың тонна сүт өндіруге жететін 28 тауарлық сүт фермасын іске асыру жоспарланып отыр. Бұл туралы Үкімет отырысында Ауыл шаруашылығы министрі Айдарбек Сапаров мәлімдеді.
Министрдің айтуынша, Мемлекет басшысының тапсырмасына сәйкес, Солтүстік Қазақстан облысында қалыптасқан тәжірибені еліміздің басқа өңірлеріне тарату жұмыстары жалғасып жатыр. Осы бағытта заманауи тауарлық сүт фермалары салынып, өндірістік қуаттарды арттыруға басымдық берілуде.
«Биылғы жылдың соңына дейін іске қосылған фермалардың жобалық қуатының 70 пайызына, ал келесі жылы толық қуатына шығуын қамтамасыз ету жоспарланып отыр. Әңгіме жалпы қуаты жылына 462 мың тонна сүт өндіретін 71 ферма туралы болып отыр», – деді Айдарбек Сапаров.
Ауыл шаруашылығы министрлігінің мәліметінше, қазіргі уақытта жылына 600 мың тоннадан астам сүт өндіруге мүмкіндік беретін 99 жоба қаржыландырылған. Оның ішінде жалпы қуаты жылына 142 мың тонна болатын 28 тауарлық сүт фермасы қазір іске асыру кезеңінде.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе