Салық қарызын өтесе кәсіпкерлердің айыппұлы кешіріледі
Қазақстанда кәсіпкерлердің 100 миллиард теңге шамасындағы айыппұлы мен өсімпұлы кешіріледі. Бұл туралы Мемлекеттік кірістер комитетінің өкілдері мәлімдеді, деп хабарлайды «Хабар» арнасына сілтеме жасап.
Бүгінгі күні микро және шағын бизнестің ел алдындағы борышы 273 миллиард теңгеге жеткен. Оның 170 миллиард теңгеден астамы – салық қарызы. Егер осы негізгі берешек наурыздың соңына дейін өтелсе, онда мемлекет айыппұл мен өсімпұлды кешіреді.
«Қазақстан үкіметінің қаулысына сәйкес, микро және шағын бизнеске қатысты өсімпұл мен айыппұлды кешіру туралы Қаржы министрлігінің бұйрығы шықты. Негізгі талаптардың бірі егер кәсіпкерлер салық қарызын 1 қаңтар мен 31 наурыз аралығында өтесе, онда олардың есептелген өсімпұлы мен айыппұлы кешіріледі», – дейді Мемлекеттік кірістер комитетінің басқарма басшысы Қайсар Арын.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе