Түркияда тағы да жойқын жер сілкінісі болды
Түркияда магнитудасы 6,1 балдық жер сілкінісі болды. Төтенше жағдай 27 қазан күні кешке Түркияның батыс бөлігінде тіркелді. Жерасты дүмпуінің эпицентрі Балыкесір провинциясында, шамамен алты шақырым тереңдікте болған.
Anadolu Ajansı агенттігінің мәліметінше, жер сілкінісі Ыстамбұл, Измир және өзге де қалалардың тұрғындарына сезілген. Алдын ала мәлімет бойынша, бірнеше ғимарат қираған, жарық пен су беру жүйесіне зақым келген. Оқиға орнында төтенше қызмет өкілдері жұмыс істеп жатыр.
Жедел көмек орталықтарына 504 хабарлама түскен, оның 25-і – құрылыс нысандарының зақымдануы туралы.
Түркия президенті Режеп Тайып Ердоған жағдайды үкіметтің жіті бақылап отырғанын мәлімдеді. Елдегі Денсаулық сақтау министрлігінің дерегінше, барлығы 19 адам жарақат алған, оның төртеуі ауруханадан шығарылды.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе