Қазақстандықтар 555 млрд теңгеден астам сомаға мүгедектік пен асыраушысынан айырылуына байланысты жәрдемақы мен әлеуметтік төлемдер алды

Сонымен қатар, міндетті әлеуметтік сақтандыру жүйесіне қатысушыларға әлеуметтік тәуекелдер туындаған жағдайда МӘСҚ тарапынан төлемдер жүргізіледі. 2025 жылғы 1 қазанындағы жағдай бойынша 98 мың адам еңбекке қабілеттілігінен айырылуына байланысты, ал 66,5 мың отбасы асыраушысынан айырылуына байланысты әлеуметтік төлем алып отыр.

Бұл төлемдердің мөлшері әр азаматтың жеке жағдайына қарай есептеледі. Оған соңғы екі жылдағы әлеуметтік аударымдар жүргізілген орташа айлық табыс, еңбекке қабілеттілігінен айырылу деңгейі, асырауындағы адамдар саны, әлеуметтік сақтандыру жүйесіне қатысу өтілі және табысты алмастыру көрсеткіші әсер етеді.

Аталған төлемдер республикалық бюджеттен төленетін мемлекеттік жәрдемақыларға қосымша ретінде қарастырылған. 2025 жылғы 1 қаңтардан бастап ең төмен күнкөріс деңгейінің артуына байланысты мүгедектік пен асыраушысынан айырылу бойынша мемлекеттік әлеуметтік жәрдемақылардың мөлшері 6,5%-ға өсті. Үкімет шешімімен МӘСҚ арқылы төленетін тиісті әлеуметтік төлемдер де 6,5%-ға артты.

Мысалы, биыл жалпы ауру бойынша мүгедектік жәрдемақысының мөлшері:
• I топ үшін – 101 702 теңге,
• II топ үшін – 81 362 теңге,
• III топ үшін – 55 474 теңге.

Ал 1 қазан күнгі жағдай бойынша еңбекке қабілеттілігінен айырылу бойынша орташа әлеуметтік төлем 72 087 теңге, асыраушысынан айырылу бойынша орташа төлем 75 064 теңге болып отыр.