24 мамырдан бастап кез келген қазақстандық үй кезегіне тұра алады
24 мамырдан бастап елімізде баспана кезегіне тұру жеңілдейді. Бұрын пәтер алу тек алты санаттағы азаматтарға арналған болса, енді 18 жасқа толған кез келген Қазақстан азаматы өтініш бере алады.
Жаңа талап бойынша, соңғы бес жылда атыңызда тұрғын үй болмауы керек. Тіпті, апатты жағдайдағы үйде тұрып жатсаңыз да, өтініш беруге болады. Әлеуметтік мәртебе, жұмыс орны немесе мамандық маңызды емес — бастысы, шынайы мұқтаж екеніңізді растау қажет.
Өтініштер kezekte.kz сайтында қабылданады. Онда ЖСН мен аты-жөніңізді енгізіп, кезекке тұрғаныңызды тексеруге болады. Егер тізімде болмасаңыз, жергілікті әкімдікке жүгінуге болады.
Өтініштерді қабылдау, құжаттарды тексеру, кезекке қою және пәтер үлестіру бір орталық — Отбасы банк арқылы жүргізіледі. Алдағы жарты жылда банк кезектерді қайта қарап, шын мұқтаж жандарды анықтайды. Бұл бағдарлама басқа мемлекеттік тұрғын үй жобаларына қатысуға кедергі келтірмейді.
Серіктестер жаңалықтары
© «365 Info», 2014–2026 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз