Қарағандыда дәрігерлердің қателігінен 13 жастағы бала қайтыс болды

Алайда жексенбі күні Дамир балтыры ауырсынып кеткенін айтқан. Анасы бірден жедел жәрдем шақырған, бірақ фельдшер сырттай қарап шығып, ауруханаға апарудан бас тартқан. Дәрігерлер кеткеннен кейін Дамирдың жағдайы одан ары нашарлай түскен – енді ауырсынуы шап аймағына тарай бастаған. Анасы қайтадан дәрігерлерді шақырады. Бірінші шақыртуда келген фельдшер тағы келіп, баланы ауруханаға алып кетуден бас тартады. Ол 24 жылдық тәжірибесі бар маман екенін айтып, бала өтірік істеп отыр деген. Одан бөлек, бала өтірік ауруын қоймаса психиатриялық бригаданы шақырамын деп қорқытқан.

Баланың жағдайы одан ары нашарлай бастаған: дем алуы қиындап, аяғын сезе алмай, анасына: «Мен өлгім келмейді» деген. Анасы фельдшерді тағы шақырғанында бұл дәріден емес деп айтқан. Үшінші рет хабарласқанда оның қоңырауын ешкім қабылдамай қойған. Осылайша анасы ауруханаға баласын өзі апармақ болады, алайда ұлын көтере алмай қойған. Төртінші рет жедел жәрдем шақырған кезде бригада отыз минуттан кейін келіп, баланың жағдайын көріп, преднизолонды еккен. 

Бала шұғыл ауруханаға жеткізілді, бірақ реаниматологтың сөзінше, тамыр соғысы тоқтап қалған. Дәрігерлер оны аман алып қалу үшін бір сағаттай арпалысқанымен, Дамирды құтқару мүмкін болмаған. Туыстары Дамир үйде немесе ауруханада қайтыс болғанын түсінбей отыр. Бұл жағдайдан кейін Қарағанды облысының денсаулық сақтау басқармасында тергеу басталды.

«Арнайы сарапшылар тобымен тәуелсіз комиссия құрылды. Медицина қызметкерлері тарапынан кеткен қателіктер анықталды. Кінәлілер жауапқа тартылатын болады», – делінген ресми мәлімдемеде. 

Дамирдың туыстары егер дәрігерлер оны дер кезінде ауруханаға алып кеткен болса аман алып қалуға болар еді деп отыр. Олар кінәлілерді жауапқа тартуды талап етіп отыр.