Қазақстанда пайдалы қазбалар қоры сарқылып барады
Алтын 26 жылға, алюминий мен мыс кені 30 жылға жетеді.
Елімізде қатты пайдалы қазбалардың барланған қорлары таусылып барады. Геология комитеті 2 жылдан кейін Васильковское, Южно-Леонидовское кен орындары мен Сарыбұлақ өзеніндегі алтын кен орындары кеуіп қалады деп болжайды. Ал 5 жылдан кейін Шығыс Қазақстандағы Малеев кен орнындағы және Жезқазғандағы түсті металдардың қоры таусылады. Қарағанды облысындағы Алмалы кен орнында мыс тағы 3,5 жыл бойы өндіріледі. Ақтөбе облысындағы кен орындарында хромның бір жылдық қоры ғана қалды. Түркістандағы уран қоры 2 жылға жетеді.
«Біздің саланы цифрландыру өте төмен деңгейде. Сирек жер металдарының – REM, RM потенциалы өте үлкен. Қазір барлық ілеспе компоненттер болса да, бұл сала нашар дамыған. Біз геолог ретінде шикізатпен қамтамасыз ете аламыз. Бірақ сала оны технологиялық тұрғыдан шығара алмауы мүмкін», – дейді ҚР ӨҚМ Геология комитетінің сараптама және бірыңғай кадастр басқармасының басшысы Марғұлан Батырбай.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе