Карантин режимі енгізілген Италия халқының өмір салты қалай өзгерді?

Италия коронавирустың таралуы бойынша әлемде екінші орында тұр. Соңғы мәліметтерге сәйкес онда 27 980 адамның ауру жұқтырғаны анықталды.

Барлық оқу орындары, ресторан, кинотеатрлар жабылып, бұқаралық іс-шаралар тоқтатылды. Бір кездері адам лық толы болатын туристік көрнекі орындар қаңырап тұр, ел экономикасына мұның барлығы үлкен соққы болды. Италияның оңтүстігіндегі ауруханаларға науқастарға толып кеткен, қызметкерлер мен жасанды тыныс алдыру аппараттары жетіспеуде. Дәрігерлер кімді құтқарарын білмей әлекке түсті. Осыдан бір-екі апта бұрын барлығына бейжай қараған италиялықтар жағдайдың қаншалықты ауыр екенін енді түсінгендей. Адамар карантин жағдайында қалай өмір сүріп жатыр?  Италия тұрғындарының өмірі туралы hromadske айтып берді.

Көшеге тек азық-түлік немесе дәріханаға бару үшін шығуға болады

Полиция қызметкерлері бос қалған көшелермен жүріп өтіп, дауыс зорайтқыштармен адамдарға үйде отырыңыздар деп кеңес беруде. Бұл жағдайды Италияның кез келген қаласынан бақылауға болады. Биліктің жарлығы бойынша Италияда азық-түлік дүкендері мен дәріханалардан басқа мекемелердің барлығы жабылған.

Үйден шығу үшін, қандай себеппен шыққаныңды растайтын құжатың болуы керек дейді

Италияның солтүстігіндегі Лоди қаласының тұрғыны Екатерина Садилова.

«Бұл құжатты Италияның ішкі істер министрлігінің сайтынан жүктеп алып, онда  көшеге не үшін шығатыныңды жазасың. Бұл тек қана дүкенге баруға байланысты емес, өздерінің достарына барғысы келген жасөспірімдерге де қатысты. Бірақ мұндай қыдыруларға тыйым салынған. Полиция патрулі шынымен де көшеге шығу қажеттілігі бар ма, тексереді. Екатеринаның айтуынша, Ломбардиядағы полиция карантин режимін бұзғандарға үлкен айыппұлдар салуда.