Жамбылда тұрғындарға жала жапқан полицейлер сотталды

“Бұрын сотты болмағандарын жанұясының табыс көздері екенін ескердік.  Асырауында кәмілетке толмаған балалары бары ескеріліп, сот оларға бас бостандығынан айырылмайтындай етіп жаза тағайындады”, деді судья.

Бұл оқиға Байзақ ауданының құмды алқабында болған. Жеті полицей 730 келі кептірілген марихуанамен екі азамтты қолға түсірдік деп жар салған. Алайда, ұсталғандар тәркіленген тауар көлемі көп мөлшерде емес, небәрі бес келі болатын деп тәртіп сақшыларының үстінен шағым түсіреді.

Сөйтіп жазылған арыз бойынша полицейлерге қатысты заңсыз ұстау, іс құжаттарын құрастыру және қызмет бабын асыра пайдалану сынды баптар бойынша қылмыстық іс қозғалған. Даулы іс сотта алты ай бойы қаралды. Шартты мерзімге сотталғандар қызметтерінен қуылып қана қоймай, шендерінен де айырылды. Ал 40 пен 50 жастағы екі жәбірленуші бұл істе ақталып шыққан.