Санкт-Петербургте жүк көлігінің кабинасында асылып өлген азаматтың кім екені белгілі болды
Санкт-Петербургте ауыр жүк көлігінің кабинасында Қазақстан азаматы асулы күйінде табылды.
«Санкт-Петербургтегі Бас консулдықтың қызметкерлері оқиғаның мән-жайын анықтау үшін дереу жергілікті құқыққорғау органдарына байланысқа шықты.
Тергеушінің ақпараты бойынша, 9 желтоқсанда Санкт-Петербург қаласының Фрунзе ауданында орналасқан София көкөніс базасында жүк көлігінің кабинасында 1972 жылы туған Қазақстан азаматының денесі табылды.
Алдын ала деректерге сәйкес, ол өз-өзін буындырудан болған ауа жетіспеушілігінен қаза болған», – деп хабарлады Айбек Смадияров.
Оның айтуынша, қазіргі уақытта РФ құқыққорғау органдары аталмыш істің мән-жайын анықтау үстінде.
«Бас консулдық қажетті құжаттарды толтыруда консулдық-құқықтық көмектер көрсетіп жатыр. Алдын ала мәлімет бойынша, жүк Шымкентке 11 желтоқсанда жеткізілетін болады», – деп түсіндірді ҚР СІМ өкілі.
Айта кетсек, аталмыш оқиға туралы бұған дейін жергілікті БАҚ хабарлаған болатын.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе