Денис Тенге қатысты атышулы жазбасы үшін оралдық мұғалімге сот үкімі шықты

24 қазан 2018, 17:04

kaz.365info.kz

Сот Байзеновті ҚР Қылмыстық кодексінің 174-бабының 1-бөлігі бойынша (“Әлеуметтiк, ұлттық, рулық, нәсiлдiк, тектік-топтық немесе дiни алауыздықты қоздыру”) айыпты деп таныды.

Мұның алдында оралдық мұғалімнің үш жылға сотталуы мүмкін екені айтылған болатын.

Оған тұрғылықты мекен-жайын ауыстыру, шетелге шығу және түнгі уақытта үйінен шығуға тыйым салынды.

Сондай-ақ, сот үкімі бойынша Шерхан Байзеновтің ары қарай мектепте жұмыс істеу-істемеуі туралы шешімді мектеп әкімшілігінің өзі шешетін болды.

Байзеновтің жазбасы әлеуметтік желілерде шу шығарып, қазадан қайғырып жатқан жұрт мұғалімнің әрекетін сөккен. Кейінірек жазба авторының БҚО-дағы Белес ауылында мектеп мұғалімі екені анықталды.

25 жастағы мұғалім физика пәнінен сабақ береді. Осыдан кейін мұғалімнің үстінен шағымдар түскен, тіпті ол оқытатын балалардың ата-аналары шағымданып, баласын оған оқытқысы келмегенін мәлімдеген.

Осыдан кейін Байзенов мектеп директорына кіріп, жұмыстан шығуға дайын екенін айтыпты.