Лифтіде мерт болған тележүргізушінің анасы сотталушыдан 5 миллион талап еткен
Қызылордада лифтіде мерт болған тележүргізуші Айзат Әбдісаматтың ісіне қатысты сот жалғасып жатыр. Жәбірленуші тарап моральдық шығын ретінде 5 миллион теңге талап етті, деп хабарлайды ҚазАқпарат.
Ақтөбе қалалық сотында сотталушы лифт жөндеуші-электрик Жарылқасын Ақжанов жәбірленуші тараптан кешірім сұрап, өзінің кінәсіз екенін айтты.
“Мен өзімді кінәлі деп санамаймын. Ал моральдық шығын ретінде 5 миллион теңге төлеп беруге жағдайым жоқ. Менің мұнша ақшам жоқ. Қолымнан келгенше көмек көрсете аламын”, – дейді Жарылқасын Ақжанов.
“Мен оларды кешіремін. Десе де сотталушылар сол күні келіп, көңіл айтып, кешірім сұраса болар еді. Алайда олар тек 7 ай өткеннен кейін үйіме келді”, – дейді марқұмның анасы.
Еске сала кетейік, 4 сәуір күні Ақтөбеде тұрғын үйлердің бірінде журналист Айзат Әбдісамат лифтке қысылып, көз жұмды. Тележүргізушімен бірге оның үш жасар қызы болған.
Куәгерлердің айтуынша, лифт алтыншы қабаттан төмен түскен лифтінің есігі қайта-қайта ашылып қала берген. Есік жартылай ашылған шақта бүлдіршін сыртқа шығуға талпынған. Айзат қызының соңынан еремін деп ажал құшты. Аталған оқиғаға байланысты қылмыстық іс қозғалған еді.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе