“Ұлар-Үміт” құртқан…”. БЖЗҚ зейнетақы жинағының 40 млрд теңгесін қайтара алмай жүр

Елімізде 20-ға жуық жеке компания Бірыңғай жинақтаушы зейнетақы қорының алдындағы берешегін өтемей алмай жүр. Олар қорға жалпы сомасы 40 миллиард теңгеге жуық ақша қарыз.

Бұл туралы “Астана” телеарнасы тілшілеріне БЖЗҚ-ның заңгерлері айтты.

Қазір олар 15 компаниямен соттасып жатқандарын жеткізді. Соның ішінде әлеуметтік желілерде қызу талқысына түскен “Астана жылжымайтын мүлік” акционерлік қоғамы да бар. Құрылыс компаниясы жинақтаушы зейнетақы қорынан 1 миллиард 700 миллион теңге алып, оны өтемей келеді екен.

Компания бұл қаражатты ертеде “Астана” және “Ұлар-Үміт” зейнетақы қорларынан алып, 2011 жылдан бері оны төлеуді доғарған.

Бірыңғай жинақтаушы зейнетақы қоры мұраға қалған қомақты соманы сот арқылы жеңіп алған. Енді онымен сот орындаушылары айналысып жатыр екен.

“Бұл компанияның қарызды өтеп тасауға жетерлік дүние-мүлкі жеткілікті. Олар қазір саудаға шығарылған. Бірақ сатып алушылар тарапынан қызығушылық жоқ. Сонымен тоқтап тұр. Қосшы елді-мекені мен Бурабайда, сондай-ақ Алматыда жер учаскелері, пәтерлері, коттедж қалашықтарында зәулім үйлері бар. Осыларды сатып, қаржыны қайтаруға талпынып жатырмыз”, – деді БЖЗҚ АҚ департаментінің директоры Назым Бақтыбаев.