ЖОО-да қызмет ететін барлық әріптестер жаңа оқу жылының басында “УМКД” аталатын бағдарлама кешенін жасаумен бастары қататыны белгілі ғой.
Бір доцент, профессор жылдық жүктемесін орындау үшін кемінде 5-6 пәннен аз дегенде 100 беттік бағдарлама жазып шығады.
Әрине, ол үшін компьютердің алдына оқулық монографияларды тау-төбе ғып үйіп қойып, қолың қалт етсе, күн-түн демей сағаттап отырасың. Арасында, өзге әріптестеріңнің жасаған кешендерін де сұрап алып қарайсың.
Езу тартуға тура келді. Былтыр бітірген студентінің дипломдық жұмысының электрондық нұсқасынан “копировать-вставить” жасаған ғой.
Сөге-жамандағаным емес. Жалпы,аудиториялық жүктеменің тым көптігі, сол ауыр жүктеменің өзіне ректорат тағы да қосымша сағаттарды арқалатып қоятыны, оған қоса бітпейтін қағаз жұмысы кімді оңдырар дейсің. Қайта қарап түзетуге де уақыты болмаған ғой. Университеттегі қаптаған тексеріс пен дікіңдеген бастықтардың асығыс талаптары қай профессорды қажытпай жатыр…
Қуандық Шамахайұлы
Фейсбуктегі парақшасынан