Алматыда екі бала қарбыздан уланып қалды
Алматыда супермаркеттен сатып алған қарбыздан екі бала уланып қалған. Бұл туралы бүгін өңірлік коммуникациялар қызметінде қалалық Қоғамдық денсаулықты сақтау департаментінің басшысы Айзат Молдақасымова айтты, деп хабарлайды ҚазАқпарат.
«Алматыда 7-10 жастағы екі бала «Магнум» сауда үйінен сатып алған қарбызды жеп, уланып қалған», – деді Айзат Молдақасымова.
«Қазір бақша өнімдерін жинау науқаны жүріп жатыр. Сонымен қатар, сүт коктейльдері, балмұздақ өнімдері де жақсы сатылуда. Біз рейд жүргіздік. Тексеріс нәтижесінде сыналған қарбыздардың 19%-де, қауындардың 18,7%-інде нитрат көрсеткіші жоғары болған. Құйылмалы балмұздақ, квас 100 пайыз ластанған болып шықты», – деді Молдақасымова.
Сонымен қатар, СЭС мамандары кесілген қауын, қарбызды алмауға кеңес береді.
«Қауын-қарбыз алған кезде қай жерден сатып алатыныңызға мән беріңіз. Сатушыда сауда жасауға рұқсат етілген сертификат болуы шарт. Құйылмалы өнімдерді алған кезде, бір реттік ыдыстың болғанын талап етіңіз», – деді маман.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе