“Басы жарылған”. Бурабайда 24 жастағы жігітті таудың етегінен тапқан (видео)

24 жастағы жігіт таудың ұшар басына шығып селфи жасамақ болғанда төменге құлдилап құлап кетті.Ол достарымен курортты аймаққа Астанадан қыдырып келген екен.

Бұл туралы КТК арнасы хабарлайды.

Халық аузында Синюха аталып кеткен Бурабайдағы таудың басына Нұрсұлтан есімді жігіт достарымен бірге шығыпты. Ол ең биік жерде тұрып суретке түспек болған. Сөйтіп,селфи жасаймын деп тұрып, тайып кеткен. Абылайхан алаңындағы биік шың басына олар ешқандай қауіпсіздік жабдығынсыз шыққан.  Жедел жәрдем құтқарушылар көмегімен 24 жастағы жігітті тау етегінен тапты. Нұрсұлтан ес түзсіз Бурабай аудандық ауруханасындағы жансақтау бөліміне жатқызылды. Оның бас сүйегі жарылып, миы шайқалған.Жағдайы ауыр,-дейді дәрігерлер.