“Алдына кеп күліп отыр”. Денисті өлтірген күдікті тергеу барысында өзін былай ұстапты (видео)

Денис Тенді өлтірді деген күдікпен ұсталған Арман Құдайбергеновтың Астанада да дәл осындай көліктің айнасын ұрлаған сәтте ұсталып қалғаны мәлім болған еді. Астанадағы жәбірленуші Сапар Шәмшиев арнайы сұхбат беріп, болған жайт туралы ашығын айтты.

Сапардың ойынша, Арман Құдайбергеновтің жоғарыда беделді “ағасы” бар. Себебі, көлік айналарын ұрлап, патрульге ұсталған сәтте Құдайбергенов қобалжымай, өткен іске өкінбей, тіптен ұйықтап та алыпты. Ал тергеу барысында полицейлердің алдында бірнеше қалжың айтып, күліп отырған екен. Яғни, өткен іске деген қамығу мүлде болмаған.